Пролетта е на прагот и веќе се чувствува желбата за нов почеток. Тоа е период кога многумина прават освежување во домот и се ослободуваат од непотребните работи. Слична промена може да ѝ годи и на вашата рутина за нега на кожата.

Ова не значи дека треба да ги фрлите производите што веќе ги користите. Доволно е да ја приспособите рутината на сезонските промени и на потребите на кожата во потоплите месеци.

Еве три едноставни промени што можат да придонесат кожата да изгледа посветло, поцврсто и поздраво во текот на пролетта.

Вклучете антиоксиданси во рутината

Кога времето е потопло поминуваме повеќе време надвор. Тоа значи поголема изложеност на сонце и други фактори од околината кои можат да ја оштетат кожата.

Освен локални антиоксиданси во серуми или креми, може да размислите и за додатоци во исхраната кои го поддржуваат здравјето на кожата одвнатре.

Некои состојки на кои вреди да се обрне внимание се:

Коензим Q10 (CoQ10)

Конезим Q10 антиоксидансот помага во неутрализирање на слободните радикали и ги штити клеточните мембрани од оштетување. Исто така придонесува за заштита на митохондриите и за обновување на други важни антиоксиданси како витамините C и E.

Астаксантин

Истражувањата покажуваат дека астаксантинот може да помогне во намалување на негативните ефекти од изложеност на сонце. Редовното внесување на овој антиоксиданс довело до подобрување на еластичноста, мазноста и хидратацијата на кожата.

Витамин Ц

Витаминот Ц има клучна улога во создавањето на колаген, протеинот кој ја одржува кожата цврста и еластична. Покрај тоа, неговото антиоксидативно дејство помага во заштита на кожата од оштетувања предизвикани од слободни радикали.

Користете уред со микроструи

Уредите со микроструи стануваат сѐ попопуларни во домашната нега на кожата. Тие работат со стимулирање на производството на аденозин трифосфат (ATP), молекула која телото ја користи како извор на енергија за клеточните процеси.

Кога производството на ATP се зголемува, се поттикнуваат процеси како создавање колаген и еластин. Истовремено, микроструите можат да помогнат и во зајакнување на мускулите на лицето.

Со редовна употреба, ваквите уреди можат да помогнат во подобрување на тонусот на кожата, зацврстување на лицето и намалување на фините линии.

Пробајте ја техниката „skin flooding“

Терминот „skin flooding“ стана популарен на социјалните мрежи, но идејата е многу едноставна. Станува збор за нанесување хидратантни серуми и производи на благо влажна кожа.

Кога кожата е влажна, состојките како хијалуронска киселина, глицерин или алое вера можат полесно да ја задржат влажноста и да ја внесат подлабоко во кожата. Резултатот е похидрирана, помека и посвежа кожа. Оваа техника може да помогне особено по зимата, кога кожата често изгледа сува и без сјај.

Што вреди да се запомни?

Пролетта е добро време за мало освежување на рутината за нега на кожата. Неколку мали промени можат да направат видлива разлика.

Додавањето антиоксиданси, користењето уред со микроструи и подобрувањето на хидратацијата на кожата се едноставни чекори што можат да придонесат кожата да изгледа посветла, поеластична и поздраво негувана во месеците што следуваат.