Астрологијата за 2026 година носи период на промени и постепен личен раст. Најизразени ќе бидат околу 26 јули, кога кармичките јазли ќе се префрлат на лунарната оска Водолија–Лав. Со тоа започнува циклус од околу година и пол, кој отвора простор за нови идеи, иновации и посилно чувство на заедништво.
И другите астролошки движења во текот на годината имаат своја тежина и можат да влијаат врз начинот на кој размислуваме, чувствуваме и се развиваме одвнатре.
Пред да преминеме на поединечните хороскопи, ги издвоивме клучните астролошки датуми што ќе остават посилно влијание. Во продолжение, најважното што треба да го знаете за астролошката динамика на годината што доаѓа.
Важни астролошки датуми во 2026 година
Во текот на 2026 година нè очекуваат четири затемнувања, секое со своја симболика и влијание:
| 17 февруари – прстенесто сончево затемнување во Водолија, кое го насочува вниманието кон заедницата, припадноста и колективните вредности |
| 3 март – целосно лунарно затемнување во Девица, што поттикнува пореален и приземен однос кон емоциите |
| 12 август – целосно сончево затемнување во Лав, носејќи потреба за изразување, видливост и социјална поврзаност |
| 28 август – делумно лунарно затемнување во Риби, кое нè враќа кон интуицијата |
Во 2026 година ќе има и три периоди на ретрограден Меркур:
| 26 февруари – 20 март – ретрограден Меркур во Риби |
| 29 јуни – 23 јули – ретрограден Меркур во Рак |
| 24 октомври – 13 ноември – ретрограден Меркур во Скорпија |
Покрај тоа, Венера ќе се движи ретроградно низ Скорпија и Вага во периодот од 3 октомври до 13 ноември. Овој циклус носи потреба од повнимателен однос кон личните граници, финансиските прашања и односите со блиските , како и повеќе грижа за емоционалната рамнотежа.
Клучни планетарни поместувања во 2026 година
Неколку значајни планетарни премини ќе ја обележат годината:
| 26 јануари – Нептун влегува во Овен, носејќи потреба соништата и идеалите да се претворат во конкретна акција. |
| 13 февруари – Сатурн преминува во Овен, носејќи поголема одговорност, но и чувство на внатрешна сила |
| 25 април – Уран влегува во Близнаци, внесувајќи динамика и свежина во начинот на размислување |
| 30 јуни – Јупитер влегува во Лав, нагласувајќи ги темите на љубовта, самодовербата и личното изразување |
Овен
Теми и одлуки што се отвориле во текот на 2025 година продолжуваат да се развиваат и во 2026. Ова е период кога ќе се чувствувате посигурно во себе и појасно ќе знаете што сакате да постигнете. Ќе имате повеќе храброст да се залагате за своите ставови, но и потреба да внесете повеќе ред и структура во секојдневието. За многумина, годината носи ситуации во кои ќе треба да се избира помеѓу личните потреби и очекувањата од околината. Најважната лекција е да си останете верни на себе.
Бик
2026 година носи интелектуален и личен раст. Постојано ќе учите, истражувате и преиспитувате, а ќе почувствувате и потреба тоа што го знаете да го споделите со другите. Доколку долго време сте се чувствувале ограничено или заглавено, ова е момент кога креативноста може да ви помогне да направите значаен исчекор. Со трпение и посветеност, можно е да создадете нешто што ќе има долгорочно влијание врз кариерата и финансиската состојба.
Близнаци
Ова е година во која фокусот се префрла исклучиво на личните цели. Ќе чувствувате зголемена потреба за независност и ќе бидете подготвени да го преиспитате односот кон авторитетите и правилата што не ви одговараат. Промените што се случуваат ќе ве натераат да размислите за сопствената вредност и местото што го заземате во заедницата. 2026 е повик да бидете видливи и да преземете водечка улога, но на начин што вам ви одговара.
Рак
Професионалниот живот доаѓа во преден план. Од вас ќе се бара поголема сериозност и одговорност, но и свесност за тоа како вашите одлуки влијаат врз другите. Можно е унапредување или зголемени обврски што би дошле побрзо од очекуваното. Ова е процес што ќе трае низ целата година и е дел од пошироките промени што ќе ви се случуваат. Верувањето во сопствената интуиција ќе ви помогне да донесете вистински одлуки.
Лав
2026 ќе ве поттикне да се развивате, но и да не ја изгубите леснотијата во пристапот кон животот. Ќе има моменти кога ќе се чувствувате како да сте на вистинското место во вистинско време. Социјалните контакти добиваат на значење, особено односите со блиските луѓе од секојдневието. Преку овие врски ќе почувствувате поголема рамнотежа и стабилност во градењето нови односи.
Девица
Прашања поврзани со односите со луѓе од минатото може повторно да се отворат, но овојпат со поголема јасност и зрелост. 2026 носи можност подобро да се разберете себеси преку искуства што имаат емоционална длабочина. Вашата практичност и трпеливост ќе ви помогнат да ги примените лекциите што сте ги научиле претходно. Годинава ќе ве охрабри да прифатите дека заслужувате стабилна и искрена љубов.
Вага
Социјалниот живот ќе стане поактивен во 2026. Ќе има повеќе покани, средби и нови контакти, а од вас ќе се бара да излезете надвор од вообичаените рамки. Поврзувањето со различни луѓе може да донесе свежа перспектива. За Вагите во врска, ова е период за обновување на блискоста и вложување време во заеднички активности. Опуштеноста и отвореноста се клучни.
Скорпија
Оваа година носи јасна решителност да се следат личните цели. Ќе имате чувство дека работите конечно почнуваат да се поврзуваат, особено ако вложувате труд со партнер или соработник на кој му верувате. Настаните во текот на годината можат да донесат значајни средби и поддршка од луѓе што ве разбираат. Она што сте го започнале претходно оваа година ќе почнува да дава резултати.
Стрелец
Потребата за слобода и нови искуства ќе биде силно изразена. Ќе бидете подготвени да истражувате, и буквално и симболично. Љубовните односи може да се менуваат, што ќе ве поттикне подлабоко да размислите за тоа што навистина сакате. Иако некои врски ќе бидат ставени на тест, ова е шанса подобро да ги разберете сопствените граници и можности.
Јарец
2026 ве повикува да се отворите повеќе отколку што вообичаено го правите. Ова може да биде непријатно, но и ослободувачко. Покажувањето на вашата искреност и човечност ќе создаде посилни врски со околината. Преку оваа отвореност ќе успеете да изградите чувство на припадност, без да ги загубите личните граници кои ви се важни.
Водолија
Колективните напори и соработката ќе донесат резултати. Ако вашите активности имаат поширока корист, наградите ќе дојдат природно. Многу Водолии ќе бидат дел од креативни и неконвенционални тимови, каде што размената на идеи ќе биде клучна. Здравата конкуренција ќе ве мотивира дополнително да ги реализирате своите цели.
Риби
Годината ќе биде динамична и полна со идеи. Ќе има зголемена потреба за комуникација, споделување и претставување на сопствените способности. Доколку веќе имате започнат проект, можно е негово проширување, а ако не, 2026 е добра основа за нов почеток. Храброста и самодовербата ќе играат важна улога во искористувањето на можностите што се појавуваат.