Кога немате многу време, а сакате да зготвите нешто вкусно, едноставно и хранливо, оваа крем чорба од компир и праз е сигурен избор. Се подготвува со неколку основни состојки и не бара некои посебни кулинарски вештини. Добра е и за ручек и за вечера, а уште подобра следниот ден, кога вкусовите дополнително ќе се спојат.

1 лажица маслиново масло

1 главица кромид (сецкан)

1 праз (само белиот дел, исечкан на кругови)

2 чешниња лук (ситно сецкани)

3 средни компири (излупени и исечкани на коцки)

700 мл вода или зеленчуков бујон

сол и бибер по вкус

Начин на подготовка

1. Во тенџере загрејте го маслиновото масло и додадете го сецканиот кромид. Пржете неколку минути на средна температура, додека да омекне и да стане проѕирен. Потоа додадете го празот и промешајте. Оставете да се динста уште 4–5 минути, додека празот не омекне и пушти мирис.
2. Додадете го лукот, промешајте кратко и веднаш потоа ставете ги компирите. Измешајте сè за состојките да се соединат, па прелијте со вода или зеленчуков бујон. Поклопете го тенџерето и оставете да врие на тивко околу 20 минути, или додека компирите не омекнат целосно.
3. Кога зеленчукот е зготвен, тргнете го тенџерето од оган и изблендирајте ја чорбата додека да добиете мазна, кремаста текстура. Доколку е потребно, додадете малку топла вода за да ја прилагодите густината.
4. Зачинете со сол и бибер по вкус, промешајте и вратете ја чорбата на рингла уште неколку минути само за да се загрее рамномерно.

Voila! Bon appetit!