Потребни состојки:

• 8 јајца;
• 100гр. рендан пармезан;
• 250гр. рикота сирење (како замена може да користите урда);
• 1 лажичка сол;
• ¼ лажичка бибер;
• 2-3 тиквички;
• 300гр. домати;
• свеж босилек;
• маслиново масло;
• 1 кило леб (лебот треба да биде еден ден стар);

Потребно време за подготовка на ова јадење е 65 минути.

Нутритивна вредност: калории 250; натриум 670мг. (28%); масти 17гр. (26%); протеини 18гр. (35%); јаглехидрати 5гр. (2%); влакна <1гр. (4%)

Начин на подготовка:

Во голем сад изматете ги јајцата, додајте ја рикотата, пармезанот, сол и бибер. Загрејте ја рерната на 180⁰C. Во меѓувреме исецкајте ги доматите и исцедете ги од вишокот сок. Исецкајте ги и тиквичките на ситни парчиња. Во садот со јајцата и сирењето додајте ги доматите, тиквичките и сецканиот босилек. Лебот исецкајте го на ситни коцки. Додајте го и него во смесата.

Тавата во која ќе ја печете мусаката со тиквички премачкајте ја со маслиново масло. Додајте ја смесата и печете 30-тина минути. Кога ќе биде готова, оставете ја да се олади 10-тина минути пред да ја послужите.

Voilà! Bon appétit!