Наталните карти се составени од три елементи, клучни за нејзино толкување, а тие се – знаци, планети и aстролошки куќи. Овие куќи се основен дел од наталната карта и го претставуваат нашиот живот.

Секоја астролошка куќа е поврзана со различни аспекти од животот како што се личноста, парите, комуникациите, домот, љубовта, здравјето, партнерствата, трансформациите, филозофијата, кариерата, пријателствата и духовноста.

Прва куќа (куќата на себеси)

Првата куќа, позната и како Асцендент, ја прикажува нашата личност, физичкиот изглед и првиот впечаток кој го оставаме на другите. Таа ја покажува нашата самоперцепција и начин на изразување во светот. Планетите во оваа куќа значително влијаат на нашето однесување и стилот на комуникација.

Втора куќа (куќата на материјалното)

Втората куќа ја претставува нашата врска со материјалното, финансиската стабилност и вредностите кои ги поседуваме. Оваа куќа покажува како ги заработуваме и трошиме парите, како и нашата самопочит и лични вредности. Планетите во оваа куќа може да покажат каде се нашите најголеми финансиски предизвици или успеси. Втората куќа е поврзана со знакот на Бик и со планетата Венера. 

Трета куќа (куќата на комуникации)

Третата куќа се однесува на комуникацијата, мисловните процеси, учењето и блиските роднини. Таа ја претставува способноста за комуникација, односите со најблиските, браќа, сестри, братучеди, но исто така се однесува и на кратките патувања. Планетите во оваа куќа ја опишуваат нашата интелектуална активност и начинот на кој ги пренесуваме своите идеи.

Четврта куќа (куќата на домот и семејството)

Четвртата куќа е поврзана со домот, корените, семејството и приватниот живот. Оваа куќа е поврзана со Ракот и Месечината. Таа ја претставува нашата емоционална основа, детството и односите со родителите, особено со мајката. Планетите во оваа куќа покажуваат како се чувствуваме и што ни е потребно за да се чувствуваме безбедно и пријатно.

Пета куќа (куќата на задоволства и креативност)

Петтата куќа ја претставува креативноста, љубовните врски, децата и забавата. Оваа куќа покажува како се изразуваме креативно и каде наоѓаме радост и задоволство. Петтата куќа ја покажува нашата способност за љубов и креативни проекти. Таа е поврзана со Лавот и Сонцето. 

Шеста куќа (куќата на здравјето и работа)

Шестата куќа се однесува на здравјето, секојдневните задачи и работата. Таа ја претставува нашата рутина, грижата за телото и односите со колегите. Планетите во оваа куќа покажуваат како се справуваме со секојдневните обврски и колку внимание посветуваме на здравјето. Таа се поврзува со Девица и планетата Меркур. 

Седма куќа (куќата на партнерствата)

Седмата куќа поврзана со знакот Вага и планетата Венера ја претставуваат брачните и деловните партнерства, договорите и јавните односи. Оваа куќа ги покажува нашите долгорочни врски и способности за соработки. Планетите во оваа куќа ја откриваат природата на нашите партнерства и каков партнер ни одговара.

Осма куќа (куќата на трансформации)

Осмата куќа е поврзана со сексуалноста, смртта, трансформациите, наследствата и заедничките финансии. Таа ја претставува нашата способност за длабоки промени. Поврзана е со знакот Шкорпија и планетата Плутон. Планетите во оваа куќа покажуваат каде можеш да се соочиме со големи промени и какви тајни носиме во себе.

Деветта куќа (куќата на филозофијата и далечните патувања)

Деветтата куќа е поврзана со хороскопскиот зна Стрелец и планетата Јупитер, како и со прашања поврзани со смислата на животот, филозофијата, религијата, странските култури и далечните патувања. Таа ја открива нашата потрага по смисла и разбирање на светот. 

Десетта куќа (куќата на кариерата и јавниот имиџ)

Десеттата куќа е поврзана со кариерата, амбициите, јавниот имиџ и статусот. Таа ја претставува нашата професионална патека и успехот во општеството. Планетите во оваа куќа покажуваат кои се нашите професионални цели и како не гледа општеството. Оваа куќа е поврзана со знакот Јарец и планетата Сатурн. 

Единаесетта куќа (куќата на пријателствата)

Единаесеттата куќа се однесува на пријателствата, групните активности и надежите за иднината. Поврзана е со знакот Водолија и со планетата Уран. Таа ја претставува нашите социјални односи и идеалите. Покажува како ги градиме и одржуваме пријателствата и какви соништа имаме за иднината.

Дванаесетта куќа (куќата на духовноста и тајните)

Дванаесеттата куќа претставува духовноста, тајните, затвореноста и самопожртвувањето. Таа ја открива нашата внатрешна состојба, соништата и кармичките лекции. Планетите во оваа куќа покажуваат кои се нашите скриени слабости и духовни потраги. Таа е поврзана со хороскопскиот знак Риби и планетата Нептун. 

Секоја од овие астролошки куќи има значајно влијание врз различни аспекти од нашиот живот. За да добиеме целосна слика, потребно е да ги знаеме точните позиции на планетите во нашата натална карта.