Овој период од годината е идеален за да му дадеме на телото полесна и свежа храна, богата со витамини, растителни влакна и природни антиоксиданси. Во продолжение издвојуваме 7 пролетни овошја кои вреди да ги вклучите во исхраната – и тоа не само поради вкусот, туку и поради нивното дејство врз имунитетот, варењето и целокупната енергија.

Јагоди

Јагодите се едни од првите овошја што го најавуваат доаѓањето на пролетта. Освен што се неодоливо вкусни, тие се богат извор на витамин Ц, фолна киселина и антиоксиданси кои го штитат телото од воспалителни процеси. Придонесуваат за здрава кожа и го зајакнуваат имунитетот – особено важно во периоди на сезонски промени.

Цреши

Црешите се вистинско пролетно задоволство, полни со природен мелатонин кој го поддржува здравиот сон. Богати се и со антоцијани – соединенија кои ги намалува воспаленијата, ги релаксираат мускулите и го помагаат здравјето на срцето.

Кајсии

Кајсиите имаат нежна текстура и пријатен вкус, но и силна нутритивна вредност. Тие се одличен извор на витамин А, бета-каротен и калиум – витамини и минерали што ја подобруваат функцијата на срцето, ја одржуваат кожата еластична и ги заштитуваат очите.

Праски

Праските се сочни, ароматични и богати со витамини Ц и А, како и со растителни влакна. Помагаат во хидратацијата на телото, го олеснуваат варењето и имаат благи детоксикациски својства. Највкусни се свежи, но можат да се додаваат и во овошни салати, смути или лесни десерти.

Дудинки

Црниците (дудинки) се често потценето, а многу вредно сезонско овошје. Богати се со железо, витамин Ц и антиоксиданси што го зајакнуваат имунитетот и го поддржуваат крвотокот. Имаат сладок вкус и може да се јадат свежи, сушени или да се комбинираат со јогурт или житарки.

Малини

Малините се познати по својот богат вкус и ниска калориска вредност, но и по високата содржина на витамин Ц, растителни влакна и антиоксиданси. Особено се добри за регулирање на шеќерот во крвта и за подобрување на дигестијата. Кон крајот на пролетта, кога се појавуваат свежи на пазарот, се одличен избор за појадок, салата или смути.

Рибизли

Црвените и црните рибизли се богати со витамин Ц, калиум и антоцијани – соединенија што го поддржуваат имунитетот. Иако малку покисели по вкус, тие се вистинска витаминска „бомба“. Најчесто се достапни на крајот од мај и почетокот на јуни и вреди да се вклучат во исхраната штом ги сретнете.