Нема секогаш да се согласувате со другите, сообено кога сте лути, но секако можете да избегнете да влезете во расправии. За да не делува како да се расправате, прво мора да бидете свесни за знаците. Има многу знаци кои наведуваат на расправија, како повишен тон, наведнување со телото напред итн. Но, еден од главните знаци дека се расправaте е користење на обвинувачки говор. 

Еве неколку фрази што треба да ги избегнувате за да спречите жестока расправија.

Избегнувајте ги овие 4 фрази за да спречите расправија

Сè што е многу дефинитивно или директно може да предизвика расправија. Тоа се работи што навистина имплицираат дека некој влегува во конфликт. Некои фрази што треба да ги избегнувате за време на несогласувања се:

• “Ти секогаш…”
• „Не можам да верувам…“
• „Ова е затоа што ти…“
• „Не ме слушаш…“ или „Никогаш не слушаш…“

Парафразирајте ги исказите и поврзете се соговорникот

Наместо да користите обвинувачки фрази, пробајте да ги парафразирате. Со тоа давате шанса да се поврзете со соговорникот со кој водите дискусија. На пример, ако разговарате за политика, потврдете дека сте го слушнале мислењето на другата личност, дури и ако не се согласувате со него, а потоа искажете го вашето мислење, или вашата перспектива со почит. Ова ќе и покаже на другата личност дека ја слушате, што е многу важно при дискутирање.  

На работа и во нашиот личен живот, треба да очекуваме дека ќе има моменти кога ќе бидеме во конфликт и кога ќе треба да го искажеме нашето мислење или нашата гледна точка на чувствителен начин.

Кога се соочувате со несогласувања, најдобро е да се потсетите дека мислењата на другите луѓе не се погрешни, ниту значи дека луѓето имаат нешто против вас. Важно е да ги цените различните мислења. 

Пробајте да користите фрази како што се:

• „Навистина те слушам…“
• „Се обидувам да разберам…“
• „Можам да замислам од твоја перспектива ова е…“

Ако очекувате несогласување или тежок разговор, планирајте однапред и пристапете им имајќи ги работи на ум:

Фокусирајте се на темата, а не на личноста. Бидете ориентирани кон сегашноста. Обидете се да не ги изнесувате минатите аргументи или да „предвидувате“ потенцијални исходи во иднина. Гледајте го како проблем што треба да се реши, а не како битка што треба да се добие.