Дали знаете дека покажувате сочувство ако сакате другите луѓе да бидат среќни? Дополнително, ако сакате и вие да бидете среќни, практикувајте сочувство. Тоа е пораката од Далај Лама. Тој тврди дека сочувството помага да негуваме внатрешен мир и самоиспитување како начин за интегрирање на чистата совест која го тренира умот да биде сочувствителен. Етиката не се заснова на надворешен збир на правила, туку на внатрешен увид, кој произлегува од критичкото размислување и самокритиката.
Како влијае сочувството на мозокот?
Кога и помагаме на некоја личност од искрената желба за нивната благостојба нашите нивоа на ендорфин се зголемуваат.
Сочувството има придобивки и за давателот и за примателот на сочувството. Кога сочуствуваме со другите, нашиот мозок ослободува окситоцин – понекогаш наречен „хормон на гушкање“ или „хормон на љубовта“. Окситоцинот е поврзан со среќа, ослободување од стрес, па дури и ослободување од болка. Така, не само што сочувството прави другите да се чувствуваат добро, туку може да направи и ние да се чувствуваме добро.
Покрај ослободувањето на окситоцин, сочувството е поврзано и со активирањето на системот за награда на мозокот. Сочувството го активира системот за наградување на мозокот на сличен начин како и другите пријатни активности како што се сексот, јадењето и дрогата.
Значи, сочувството не само што ни овозможува да се чувствуваме добро, туку и ги активира истите делови од мозокот како и другите активности во кои уживаме.
Сочувство и самодоверба
Сочувството и здравата самодоверба одат рака под рака. Многу пати, ние сме си самите на себе најлоши критичари и се критикуваме за работи што ги сметаме за недостатоци. Меѓутоа, кога ќе научиме сочувствително да се прифаќаме себеси такви какви што сме, нашата самодоверба се подобрува.
Слично на тоа, сочувството кон другите е поврзано со зголемена среќа. Кога чувствуваме сочувство за другите, помала е веројатноста да се фокусираме на нашите проблеми и наместо тоа да го гледаме светот во позитивно светло. Покрај тоа, сочувството е заразно – кога гледаме дека некој е сочувствителен, тоа нè инспирира и ние да бидеме повеќе сочувствителни.
Како да практикувате сочувство кон самите себе?
Суштинските елементи на практикувањето на сочувство кон себе се:
- Бидете љубезни кон себе
- Развивање на разбирање за самите себе. (Тоа значи дека ќе бидеме помалку критични за недостатоците кои ги имаме. Понатаму, значи дека сме отворени за промени кои можат да не направат посреќни. Таква грижа формира основа за практукување сочувство кон другите.)
- Секогаш бидете свесни за вашите мисли и чувства во секое време.
Секој заслужува сочувство
Една од одличните работи за сочувството е тоа што не бара посебни вештини или таленти, туку само подготвеност да го отворите своето срце и ум за туѓата болка или страдање. И кога ќе го направите тоа, може да се изненадите колку е добро чувството. Сочувството има голем број на придобивки и за менталното и за физичкото здравје.
Следниот пат кога ќе видите некого во болка или кога ќе забележите дека страда, наместо да го тргнете погледот, пружете му утеха или рака за помош. Можеби ќе откриете дека сочувството е добро за вашата душа, како и за вашето тело. И кој знае, можеби дури и ќе го направите светот малку подобар во тој процес.
УСЛОВИ ЗА ПРЕЗЕМАЊЕ
Текстовите и останатите материјали што ги објавува Омниа.мк се авторски. Крадењето авторски содржини е казниво со закон. Бесплатно преземање е дозволено исклучиво на 20 отсто од содржината со задолжително цитирање на медиумот и хиперлинк до оригиналната содржина на Омниа.мк.
