Бременоста е една од најубавите, но и најпредизвикувачките искуства за секоја жена. Телото и умот минуваат низ големи промени, и токму затоа е од големо значење жените да се грижат за своето здравје во овој период. Пренатална јога, како форма на нежна и целосно прилагодена физичка активност, им помага на идните мајки да го подготват своето тело за предизвиците на бременоста и породувањето, истовремено придонесувајќи за спокојност и мир.
Зошто да се практикува пренатална јога?
Пренаталната јога овозможува поддршка за физичките и емоционалните предизвици што ги носи бременоста. Јогата помага идните мајки полесно да ги прифатат промените во и на телото што се случуваат во текот на бременоста, овозможувајќи подобра подготвеност за породувањето.
Пренаталната јога не само што ги зајакнува мускулите и ја подобрува флексибилноста на телото, туку и го помага менталниот и емоционалниот баланс на мајката, што може да доведе до поопуштено искуство за време на бременоста.
Во текот на деветте месеци, телото се соочува со бројни физички промени, а јогата помага идната мајка да полесно да се приспособи на тие промени, како и да го намали стресот и непријатноста. Оваа пракса е безбедна и корисна за мајките кои сакаат да бидат физички активни без да го оптоварат телото, истовремено подготвувајќи го за породувањето на здрав начин.
Придобивки од пренатална јога
Пренаталната јога нуди многу придобивки, кои се однесуваат како на физичката, така и на менталната состојба на бремените жени.
Јакнење на телото и подобрување на флексибилноста
Пренаталната јога помага во зајакнување на мускулите, особено на оние кои се критични за поддршка на зголемената тежина на телото и породувањето. Мускулите на карличниот под, грбот и нозете се најважни за стабилноста и флексибилноста во текот на бременоста и породувањето. Со правилни вежби, телото станува поиздржливо и подготвено за физичките напори при раѓањето.
Намалување на болката и непријатноста
Бременоста често носи со себе болки во грбот, оток на нозете и замор. Одредени асани ги ослободуваат напнатоста и болката, особено во долниот дел на грбот, и помагаат во опуштање на телото. Јогата исто така го подобрува држењето на телото, што може да го намали притисокот на зглобовите и `рбетот.
Подобрување на циркулацијата
Редовна вежбање пренатална јога го стимулира протокот на крв и помага во спречување на задржувањето на течности, што може да биде проблем во текот на бременоста. Оваа циркулација ја намалува појавата на оток во нозете и рацете, што е чест симптом кај бремените жени.
Подобрување на менталната благосостојба
Пренаталната јога не се фокусира само на физичкото здравје, туку и на менталниот мир. Техниките на дишење и медитација, кои се составен дел од јогата, помагаат во намалување на стресот и анксиозноста. Практикување свесност помага идните мајки да научат да останат присутни во сегашниот миг, што позитивно влијае на целокупното искуство на бременоста.
Подготвување за породување
Јогата ги учи идните мајки како да ги користат техниките на дишење за време на породувањето, што може да им помогне да се справат со болката и непријатноста. Контролираното дишење го подобрува фокусот и помага за полесна релаксацијата, што може да го направи породувањето помалку стресно.
Поврзување со бебето
Пренаталната јога не само што и помага на мајката да се грижи за своето тело, туку ја поттикнува и врската помеѓу мајката и бебето. Јогата преку многу практики овозможуваат мајките посилно да се поврзат со своето бебе, поттикнувајќи го нераскинливото чувство на конекција уште пред самото раѓање.
Поддршка и заедница
Часовите по пренатална јога им нудат на мајките можност да се поврзат со други жени кои минуваат низ истото искуство. Оваа заедница може да понуди поддршка, разбирање и совети, што може значително да помогне во текот на бременоста.
УСЛОВИ ЗА ПРЕЗЕМАЊЕ
Текстовите и останатите материјали што ги објавува Омниа.мк се авторски. Крадењето авторски содржини е казниво со закон. Бесплатно преземање е дозволено исклучиво на 20 отсто од содржината со задолжително цитирање на медиумот и хиперлинк до оригиналната содржина на Омниа.мк.
