Седентарниот начин на живот и лошите навики во секојдневните активности прави да многу луѓе имаат лошо држење на телото, покажувајќи симптоми на кифоза, претерано заоблен горен дел на ‘рбетот и лордоза, прекумерно заоблен долен дел од грбот.
Јогата особено става акцент на правилно држење на телото и поради тоа може да помогне да се сменат абнормалните кривини на ‘рбетот, корегирајќи ги искривувањата што се јавуваат кај постуралната кифоза и постуралната лордоза. Бидејќи држењето влијае на секој систем во телото, ефикасноста на јогата може да го подобри целокупното здравје и благосостојба на практикантот.
Последиците од лошото држење на телото
Лошото држење може да доведе до напнатост и болка во вратот, грбот и рамената. Лошото држење може да ја инхибира циркулацијата на крвта и телесните течности, да ја намали функцијата и капацитетот на белите дробови и да го намали метаболизмот и варењето. Лошото држење може да доведе и до состојби на депресија, зголемени негативни мисли, намалена самодоверба и намалена енергија и виталност.
Правилното држење на телото, од друга страна, го подобрува нивото на енергија и севкупниот квалитет на живот. Во суптилното тело, доброто држење помага да се одржат отворени нади или енергетските канали и им овозможува на чакрите да функционираат на нивните оптимални нивоа.
Можете ли да го поправите лошото држење на телото?
Повеќето луѓе имаат лошо држење поради лошите навики кои лесно може да се поправат. Ако проблемите со држење се поврзани со сколиоза или лордоза, тогаш ќе биде потребно повеќе време за да се воочат промените.
Свесност за телото и за положбата е клуч за корекција на држењето и создавање добри навики, а редовната јога пракса е одлична и за двете. На почетокот седењето и стоењето правилно може нема да биде удобно, но штом мускулите се навикнат да ве поддржуваат да седите и стоите во правилна положба, истото ќе ви стане лесно и удобно.
Кои се знаците на лошо држење?
- Заоблени или спуштени раменици
- Положба на главата напред
- Болка и напнатост во вратот и рамената
- Навалени раменици или карлица
- Свиткани колена при стоење или одење
- Болки во грбот и болки во телото
- Рамни стапала
- Мускулен замор и ниска енергија
- Главоболка
Најдобрите јога часови за добро држење на телото
Не сите часови по јога се корисни за подобрување на држењето на телото. Најдобро е да избегнувате ригорозни стилови како вињаса или аштанга. За да научите како да имате правилно држење на телото, фокусирајте се нежни стилови на јога, како што се следниве:
Нежна јога
Целта на овие часови со бавно темпо е да ја подобри менталната релаксација и флексибилност, како и да ги зајакне мускулите без да предизвика непотребно оптоварување. Ако сте нови во јогата или водите седентарен начин на живот и сакате да го подобрите вашето здравје и да го намалите стресот, овие часови се совршени за вас.
Хата јога
Овој вид на јога ви помага да ја подобрите силата и флексибилноста на вашето тело. Овој стил обично вклучува медитација и вежби за дишење, како и едноставни пози кои ќе доведат до поздрав живот бидејќи го намалува стресот, ја намалува болката во грбот и спречува повреди.
Јин јога
Часовите вклучуваат бавни, длабоки и долготрајни положби, што е важно ако вашето лошо држење се должи на мускулна напнатост и затегнатост.
Ајенгар јога
Со силен фокус на правилното поставување при изведба на асаните, овие часови ја продлабочуваат физичката свест и постуралната свесност. Бидејќи положбите се задржуваат подолго време, тие градат и сила и флексибилност.
Јога часови со фокус на стомачниот предел
Овие се обично часови со краток формат кои користат положби за зајакнување на мускулите што го поддржуваат ‘рбетот, стомакот и торзото. На овие часови, ќе го научите правилниот начин за зајакнување на овие мускули преку серија јога положби кои се фокусираат на изолирање на секоја од главните мускулни групи.
Јога за болки во долниот дел на грбот
Ако болката во грбот е изворот на вашето лошо држење, тогаш побарајте часови кои конкретно се фокусираат на олеснување на болките во грбот. Овие терапевтски пози се фокусираат на создавање флексибилност и зајакнување на мускулите, што може да помогне во ублажување на болката поврзана со мускулна нерамнотежа.
Колку време е потребно за да се поправи држењето на телото?
Потребни се три до осум недели за да се воспостави нова рутина, затоа очекувајте најмалку 30 дена за да видите и почувствувате подобрување во вашето држење. Неколку фактори влијаат на времето потребно за да се поправи вашето држење. На пример, колку минути вежбате дневно и кој вид јога ќе влијае многу на вашиот напредок.
Колку вашата основна сила е насочена и подобрена, исто така, ќе биде важен фактор за да се види подобрено усогласување на природните кривини на вашиот ‘рбет. Можеби ќе биде доживотна практика да продолжите да ги зајакнувате вашите постурални мускули и да го подобрите и одржувате вашето држење.
УСЛОВИ ЗА ПРЕЗЕМАЊЕ
Текстовите и останатите материјали што ги објавува Омниа.мк се авторски. Крадењето авторски содржини е казниво со закон. Бесплатно преземање е дозволено исклучиво на 20 отсто од содржината со задолжително цитирање на медиумот и хиперлинк до оригиналната содржина на Омниа.мк.
