Јога почетниците често мислат дека асаните (физичките положби) и дишењето се сè што треба да се совлада на часовите по јога. Искусните јоги знаат дека она што го „вежбаме“ на нашите простирки е само врвот од ледениот брег. Како што учениците почнуваат да ги откриваат многуте различни и длабоки аспекти на јогата, тие наскоро откриваат дека јогата е начин на живот. Може да биде зачудувачки да се види како примената на јогиските принципи надвор од простирката влијае на нашата практика на асаните. Постојат многу едноставни и лесни начини да се примени јогискиот начин на живот во секојдневната рутина. Тоа може да ја продлабочи вашата јога пракса и да овозможи дополнителни придобивки во вашето секојдневие.
„Целите“ на овој јогиски начин на живот
Јогискиот начин на живот треба да поттикне свесна промена во нашиот пристап кон животот и нашиот поглед на светот околу нас. Намерата позади изборот на јогиски начин на живот е да се придвижиме кон место на духовна поврзаност, единство, рамноправност и внатрешна вистина. На крајот на краиштата, имаме за цел да го впиеме секој момент со свесност и секоја акција што ја преземаме да произлегува од јогиските принципи.
Придобивки од јогискиот начин на живот
Јогискиот начин на живот е многу корисен за нашата физичка, ментална, емоционална и духовна благосостојба. Ја проширува духовна енергија, носи рамнотежа, создава позитивност, го подобрува здравјето и не прави среќни. Кога ги проучуваме и ги применуваме јогиските филозофии нашата самосвест се проширува. Овие животни принципи, исто така, придонесуваат за силно тело, сочувствително срце, љубезност кон другите и благодарност за сè што имаме. Накратко, тоа ни помага да бидеме подобри, поздрави и поубави луѓе.
Посветување на јогискиот начин на живот
Јогискиот начин на живот не мора да биде драстично придржување до сите „правила“. Можете да направите неколку мали свесни промени кои лесно може да ги вклучите во вашиот секојдневен живот. Започнете со најлесните или најмотивирачките промени за вас. Неколку мали промени на крајот ќе се соберат и ќе направат огромна разлика за телото, умот и духот. Со текот на времето, овие избори ќе станат природни и ќе биде полесно да се живее во духот на јогата.
УСЛОВИ ЗА ПРЕЗЕМАЊЕ
Текстовите и останатите материјали што ги објавува Омниа.мк се авторски. Крадењето авторски содржини е казниво со закон. Бесплатно преземање е дозволено исклучиво на 20 отсто од содржината со задолжително цитирање на медиумот и хиперлинк до оригиналната содржина на Омниа.мк.
