Децата имаат подеднакво корист од јогата колку и возрасните. Како што децата поминуваат низ процесот на растење, нивните тела се менуваат и се соочуваат со промени. Јога за деца е посебен „вид“ на јога која може да им помогне да ги разберат деловите и движењата на телото. Таа им овозможува поголема флексибилност, зголемени моторни вештини и свесност за телото.
Дали децата може да вежбаат јога?
Мозокот на малите деца треба да биде предизвикан и да работи, со цел да се фокусира и да биде способен правилно да учи. Десната страна на мозокот, поврзана со интуитивно, просторно размислување, управува со левата страна на телото. Левата страна на мозокот, поврзана со логично, аналитичко размислување, владее со десната страна. На двете страни им е потребна подеднакво внимание и развивање. Кога обете страни се обединети, се одвива релаксација и концентрација. За да се обезбеди унификација помеѓу интуицијата и интелектот кај детето, треба да се развиваат уметничките предмети, како што се уметност и танц, паралелно со математика и науката. Како резултат на тоа, јога за деца преку техниките за релаксација помагаат во рамнотежа, а техниките за дишење го освежуваат мозокот. Овие техники за концентрација помагаат фантазијата слободно да се развива.
Редовната практика на јогата кај децата е поврзана со подобрени перформанси на училиште, подобро однесување, поголема физичка кондиција и подобро здравје.
Јога за деца: Колку често и колку долго?
Некои генерални правила во врска со јога за деца се деа децата под 6 години, би требало да вежбаат до 15 минути јога, додека децата над 6 годишна возраст може да практикуваат подолго, а нивната сесија да трае и цел час. Преку дисциплина и фокус кај децата се поттикнува концентрација. Положбите со рамнотежа го зголемуваат фокусот и овозможуваат појасен ум. Овие вештини го олеснуваат учењето на децата во и надвор од училиштето. Вежбањето јога може да им помогне на децата подобро да се подготват за тестови.
Кога децата се концентрираат на нивното дишење или чувството на истегнување на нозете, свесноста за истото ги учи да ги држат своите умови сконцентрирани на едно нешто, наместо да дозволат да им талкаат. Оваа дополнителна самоконтрола често може да се пренесе во училницата.
Јогата и АДХД
Вежбањетo јога, исто така, може да ги подобри менталните и моторните способности кај децата . Јога за деца може да се употребува како комплементарна и алтернативна медицина при третман на деца на кои им е дијагностициран синдром на недостаток на внимание и хиперактивност. Редовната практика на јога и медитација покажа дека го подобрува детското однесување, самодовербата, квалитетот на спиењето и нивото на анксиозност. Ова често овозможува зголемена концентрација и помалку конфликти во училиштето.
Придобивките од јогата на простирката и надвор од неа се видливи без оглед на возраста. За да помогнете во промовирање на добросостојбата и хармоничниот развој, поттикнете ги децата да практикуваат јога.
УСЛОВИ ЗА ПРЕЗЕМАЊЕ
Текстовите и останатите материјали што ги објавува Омниа.мк се авторски. Крадењето авторски содржини е казниво со закон. Бесплатно преземање е дозволено исклучиво на 20 отсто од содржината со задолжително цитирање на медиумот и хиперлинк до оригиналната содржина на Омниа.мк.
