Јогата и дишењето се испреплетени. Доколку не научите правилно да дишете, нема целосно да ги искусите придобивките од јогата.
Различните видови на јога, повикуваат на различни видови на дишење, па затоа е важно од почетокот да се напомене дека нема еден универазален начин на дишење во јога праксата. Ако целта на вашата јога пракса е целосно опуштање, тогаш дишењето треба да биде длабоко и бавно. Долгите, длабоки вдишувања и издишувања имаат за цел да го забават срцевиот ритам и да ви овозможат целосно опуштање.
Еве неколку совети:
Дијафрагмата е место од каде што „започнува“ дишењето во јогата и во секојдневниот живот. Кога вдишувате стомакот се подигнува затоа што дијафрагмата се полни со воздух. Кога издишувате стомакот се спушта затоа што дијафрагмата се испразнува. Кога дишете бидете сигурни дека стомакот се движи и дека не го ограничувате ова движење на било кој начин.
Важно е да го опуштите секој мускул во вашето тело, градите, лицето, вратот, рамената дури и вилицата за да имате корист од релаксирачкото дишење. Еден начин да го направите ова е да го стегнете делот од телото во прашање и потоа целосно да го отпуштите. Можеби не сте ни свесни дека мускулите ви се стегнати сè додека не пробате да ги контрахирате.
Внимавајте секое вдишување и издишување да ви биде непрекинато и лесно за време на јога праксата. Секој диши во свој природен ритам и развивањето на свесноста за дишењето не значи контролирање во било која смисла. Препуштете се на вашиот природен тек на дишењето.
Брзото дишење е природна реакција на стрес или возбуда. Следствено на тоа, релаксирачкото дишење во јогата го потенцира издишувањето. Вдишувањето е природно, додека издишувањето е малку подолго од вдишувањето со целосно испразнување на дијафрагмата и белите дробови.
Кога дишете почуствувајте го кислородот во белите дробови и визуализирајте како стигнува насекаде, до крајот на екстремитетите. Почуствувајте како целото тело се опушта.
Кога ќе научите како да дишите ќе откриете дека тоа доаѓа природно во вашата јога пракса и со текот на времето ќе стане природно и во секојдневниот живот.
УСЛОВИ ЗА ПРЕЗЕМАЊЕ
Текстовите и останатите материјали што ги објавува Омниа.мк се авторски. Крадењето авторски содржини е казниво со закон. Бесплатно преземање е дозволено исклучиво на 20 отсто од содржината со задолжително цитирање на медиумот и хиперлинк до оригиналната содржина на Омниа.мк.
