Спиењето е значаен фактор за целокупното здравје и благосостојба. Препознавањето на тоа колку клучна улога игра сонот, е првиот чекор за одржување на здрава навика за спиење. За време на спиењето, телото се грижи за важни внатрешни процеси, како што се репарација на клетките, обнова на органите – како што се мозокот, срцето и кожата – и обновување на ткивата и нервите.
Исто така, за време на спиењето сонуваме, и иако овој процес на сонување сè уште не е целосно разбран, широко е прифатено дека ова е време да ги собереме нашите искуства, мисли и емоции, да ги консолидираме и да ги обработиме во долготрајни спомени.
Ако ни кажат дека ќе има недостаток на храна и вода, нашата прва реакција ќе биде да се подготвиме соодветно. Сепак, многумина од нас долги години живеат со недостаток од квалитетен сон, понекогаш избирајќи да се откажат од спиењето поради работа или од социјални причини.
Недостатокот на сон предизвикува „чувство на магла“, што значително влијае на нашето расположение. Сепак, колку и да е фрустрирачко ова чувство, тоа не е единственото негативно влијание. Недостатокот на сон има големи шанси да предизвика физички и ментални здравствени проблеми како што се депресија, анксиозност, кардиоваскуларни заболувања, ослабен имунолошки систем и намалување на животениот век.
Како можеме да се осигураме дека не само што доволно спиеме, туку и дека сонот е со добар квалитет, вклучувајќи ја и таа многу важна РЕМ фаза?
За многумина, периодот пред спиење предизвикува вознемиреност бидејќи се грижиме дека нема да можеме да заспиеме. Ова неизбежно води до непроспиена ноќ. Сепак, не е сè загубено. Постојат начини да се ублажи оваа вознемиреност и со едноставно елиминирање на одредени лоши навики и усвојување нови, може да се обнови здравиот начин на спиење.
Грешка број 1 – Јадење и пиење пред спиење
Алкохолот и кофеинот се стимуланси и треба да се избегнуваат по секоја цена најмалку 6 пред спиење. Исто така, најдобро е да го завршите последниот оброк во денот најмалку 4 часа пред спиење за да се осигурате дека варењето не го прекинува сонот. Иако понекогаш, лесна закуска како парче овошје или грст ореви може да ни помогне да заспиеме.
Грешка број 2 – Користење на смартфони и таблети пред спиење
Сината светлина емитирана од екранот на нашите паметни телефони и таблети има силно штетно влијание врз нашите циркадни ритми и производството на мелатонин – хормон за спиење.
Најдобро е да поминуваме што е можно повеќе време изложени на природна дневна светлина. Дури и ако ова значи излегување од канцеларијата за време на паузата за ручек за прошетка во паркот. Овие го подобрува производството на мелатонин.
Грешка број 3 – Се обидувате да заспиете во гласна средина
Сите сме свесни – до одреден степен – колку е вознемирувачки и нарушувачки недостатокот на сон што го доживуваат новите родители. Плачот на новороденчето е дизајниран да се осигура дека неговите потреби се приоритетни. Но, скршениот ноќен сон е штетен без оглед на причината.
Најдобро е бучавата да биде сведена на минимум. Кога постојат надворешни фактори надвор од нашата контрола, можеме да се обидеме да слушаме смирувачка музика или звуци од природата. Ова не само што ја блокира несаканата бучава, туку помага во производството на серотонин – хормонот на среќата.
Грешка број 4 – Носите неудобна облека за спиење
Температурата на нашето тело има тенденција да опаѓа во текот на ноќта, за да ни помогне да спиеме здраво. Температурата на телото директно ги регулира нашите циркадни ритми. Тие одредуваат кога е време за спиење и кога е време за будење.
Облеката што ја носиме во кревет треба да биде лесна и удобна. Да биде од природни материјали што дишат и да спречуваат потење.
УСЛОВИ ЗА ПРЕЗЕМАЊЕ
Текстовите и останатите материјали што ги објавува Омниа.мк се авторски. Крадењето авторски содржини е казниво со закон. Бесплатно преземање е дозволено исклучиво на 20 отсто од содржината со задолжително цитирање на медиумот и хиперлинк до оригиналната содржина на Омниа.мк.
