Силната меморија зависи од здравјето и благосостојбата на мозокот. Кога се создава меморијата, мозокот всушност создава врски помеѓу невроните наречени синапси и испраќа сигнали во специфични обрасци. Потоа, доаѓа процес на консолидирање на таа меморија во долгорочна меморија, што обично се случува за време на спиењето. Мозокот го прави ова со рекреирање на истата шема со цел да се зајакнат синапсите што биле претходно направени. Процесот на потсетување на спомените станува полесен ако меморијата се зајакнува со текот на времето. Исто така, постојат и други начини на кои можеме да ги подобриме нашите ментални перформанси. Сите можат да ја подобрат својата меморија. Не е важно дали станува збор за млад студент или повозрасен човек. Подолу ви посочуваме 9 докажани начини како да ја подобрите меморијата.
1. Вистинска храна за мозокот
Храната што ја јадеме има големо влијание врз здравјето и благосостојбата на човечкиот мозок. Мозокот е енергетски интензивен орган, кој користи приближно 20% од калориите што ги согоруваме. Тоа е контролен центар на телото и e секогаш „вклучен“. Значи, потребно е квалитетно гориво за да може непречено да ги извршува своите процеси. Консумирањето на висококвалитетна храна богата со витамини, минерали и антиоксиданси го штити мозокот од слободните радикали (оксидативен стрес што ги оштетува клетките). На ист начин, јадењето преработена и рафинирана храна може да го оштети мозокот и да ја намали когнитивната функција поради воспалениja и оксидативен стрес.
Јадењето здрава храна како авокадо или ореви овозможува оптимално функционирање на мозокот, ни помага да се концентрираме, ја подобрува меморијата и значително го намалува менталниот замор.
2. Медитација секој ден
Медитацијата ја зголемува нашата способност да се релаксираме и концентрираме. Истражувањата покажале дека ја зголемува мозочната маса во одредени области на мозокот, особено дебелината на кората во хипокампусот – кој го контролира учењето и меморијата. Исто така медитацијата влијае и на одредени делови од мозокот кои ја надгледуваат регулацијата на емоциите. Медитацијата го намалува обемот на амигдалата, која е одговорна за страв, стрес и вознемиреност.
Медитацијата ја намалува доминацијата на сетилата, што значи дека сме помалку погодени од надворешните настани и имаме поголема способност да ги манифестираме нашите цели. Таа ни помога да ги видиме работите какви што се навистина, давајќи ни поголемо чувство на јасност за сите нешта и намалување на сомнежот – една од најголемите пречки за ментални, емоционални, физички, духовни и професионални цели.
3. Сатсанг – во присуство на мудрите
Доброто и лошото друштво имаат директно влијание врз нашите умови. Човечкиот ум е многу приемлив за информациите што ги собира од сите надворешни извори. Нашите огледални неврони ни овозможуваат да го почувствуваме она што другите го чувствуваат. Тие создаваат емпатија и апатија во нас. Ние сме под директно и силно влијание на луѓето со кои се дружиме. Затоа јогиите му даваат големо значење на Сатсангот, што значи „да се биде во друштво на мудрите и оние кои ја говорат вистината“.
„Избегнувајте дружба со луѓе кои не ги споделуваат вашите вредности. Долготрајното дружење со оние со лажни идеи може само да го оцрни вашето размислување “ – Епиктетус.
4. Учење нови вештини
Неодамнешните истражувања открија дека можеме да создадеме нови мозочни клетки – неврогенеза – па дури и да создадеме нови нервни врски – невропластичност – во текот на нашите животи. Создавањето нови мозочни клетки и нервните врски не само што ја зголемува нашата меморија, туку и нашата концентрација, фокус, вештини за решавање проблеми и способност за анализа. Учењето нови вештини директно му помага на мозокот да расте посилно и побрзо.
5. Насочување на праната кон мозокот
Од сите органи, мозокот бара најмногу прана – витална енергија. Ако снабдувањето со прана во мозокот е ниско, умот станува вознемирен. Нашата когнитивна способност е нарушена и сме склони кон стрес. Главната цел на пранајамата е да го зголеми квантитетот на прана и свесно да ја насочи во мозокот, со цел да ги развиеме своите својствени капацитети.
6. Редовно вежбање
Вежбањето не е одлично само за телото, туку и позитивно влијае на мозокот на многу начини. Вежбањето го намалува воспалението и ги зголемува факторите за раст во мозокот, што му олеснува на мозокот да произведува нови невронски врски. Индиректно, вежбањето го подобрува нашето расположение, квалитетот на спиењето и го намалува стресот и вознемиреноста, фактори кои инаку придонесуваат за когнитивно оштетувања.
7. Квалитетен сон
Спиењето е витален физиолошки процес. Само со квалитетен сон можеме вистински да уживаме во добро физичко и ментално здравје. Без соодветен сон, не е можно да се одржат нервните патишта што ни овозможуваат да учиме и да создадеме нови спомени. Недоволниот сон резултира со намалена способност за решавање проблеми и концентрација. Го зголемува стресот, вознемиреноста и заморот.
8. Исклучување на внатрешниот критичар
Умот не е навистина способен да ја направи разликата помеѓу вистински настан и интензивно замислен настан. Ова е причината зошто понекогаш сме под стрес само од размислување. Во тие ситуации отчукувањата на срцето се зголемуваат и дишењето ни станува плиток. Негативните мисли имаат многу штетни ефекти. Веднаш го зголемуваат менталниот стрес и ја намалуваат самодовербата.
9. Не за електронските уреди пред спиење
Паметните телефони – исто како и телевизорите, лаптопите и таблетите – емитуваат сина светлина. Ова е вид на светлина што мозокот ја толкува како дневна светлина, која го потиснува мелатонинот – хормон кој влијае на нашите циркадни ритми и ни помага да спиеме длабоко. Сузбивањето на мелатонин резултира со послаб сон.
Најдобро е да ги чувате паметните уреди надвор од просторијата во која спиете, или што е можно подалеку од главата и телото, по можност на авионски режим. Всушност, дури и во текот на денот, паметно е да користите слушалки наместо да го држите телефонот до глава за време на разговорите.
УСЛОВИ ЗА ПРЕЗЕМАЊЕ
Текстовите и останатите материјали што ги објавува Омниа.мк се авторски. Крадењето авторски содржини е казниво со закон. Бесплатно преземање е дозволено исклучиво на 20 отсто од содржината со задолжително цитирање на медиумот и хиперлинк до оригиналната содржина на Омниа.мк.
