Кармата стана многу популарен збор во секојдневниот живот. Често се користи ширум светот, а обично го користат во контекст на награда или казна за нашите постапки. Но, санксритскиот збор „карма“ значи акција и се однесува на самата акција. Во јогиската филозофија, кармата е дел од карма јога, еден од четирите главни патишта на јогата, што води до ослободување.
Што е карма јога?
Непобитна вистина е дека нашето постоење е збир на сите наши постапки. Дури и личноста која што „не прави ништо“ извршува стотици активности секој ден. Па, како карма-акција станува карма јога? Кога нашите постапки стануваат алтруистички. Во Бхагавад Гита, Кришна му рекол на Арџуна: „Секоја преземена акција мора да биде ослободена од желбата да се поседуваат плодовите на акцијата. Дејствата кога се ослободени од его и приврзаност, го ослободуваат умот од вознемиреност и стрес, оставајќи простор за повеќе креативност“. Нашите дела можат да ни помогнат да растеме духовно и да го отворат патот за самореализација ако се извршуваат несебично.
Должност и плодовите од акцијата
Повеќето од нас се толку фокусирани на своите права што забораваме на нашите должности. Ние воведуваме повеќе улоги во текот на нашите животи: родител, дете, брат или сестра, граѓанин, студент, вработен итн. Некои улоги ни се наметнуваат, а некои ги прифаќаме по желба. Како и да е, при извршувањето на должностите кои доаѓаат како дел од улогата, нашиот фокус треба да биде само на извршување на активноста најдобро што можеме, без никакви очекувања.
Тешка задача е да дадеме апсолутно сè од себе без да очекуваме некаква награда или слава. На крајот на краиштата, ние сме луѓе, и како луѓе копнееме за внимание, слава и богатство, награда и признание, или барем некаква форма на благодарност за делата што ги правиме.
Кога не ја добиваме наградата што ја очекувавме, стануваме вознемирени и се чувствуваме разочарани. Ова разочарување предизвикува ментални пореметувања – како лутина, тага, страв итн. – кои нè оддалечуваат од патот на самореализација.
Во карма јогата, не се важни само дејствијата, туку дури и мислите. Дури и нашите мисли и намерата зад нив носат енергија и неизбежно ќе создадат резултат.
Приказната за тројцата каменичари
Еден ден, еден патник бил сведок на тројца каменичари кои работеле на една локација. Првиот ѕидар се туфкал постојано. Патникот му пришол на ѕидарот и го прашал што прави. Ѕидарот објаснил дека крши камења и се пожалил колку е непријатна, тешка и напорна неговата работа.
Вториот ѕидар постојано си мрморел. Кога му го поставиле истото прашање, ѕидарот одговорил дека гради ѕид и се пожалил дека неговата плата е прениска за неговата работа.
Третиот ѕидар бил толку фокусиран на работата, што не го ни забележал патникот. Кога му го поставиле истото прашање, неговиот одговор бил дека гради храм.
Додека првите двајца ѕидари изведувале карма, третиот ѕидар изведувал карма јога. Не затоа што градел храм, туку затоа што бил целосно фокусиран и неговата намера била несебична. Тоа е карма јога.
Его и неприврзување
За да го следите патот на карма јогата, неопходно е да се отфрли идејата дека јас – ти, јас и ние – сме движечката сила зад нашите постапки. Ова идеја само го поттикнува егоизмот.
Вклучувањето на егото во нашите постапки предизвикува такви мисли како што се – „Дали ми се допаѓа да ја работам работата или не?“ „Како дејството ќе влијае на мене?“ „Дали тоа ќе го зајакне или ќе му наштети на мојот имиџ и положба?“ итн. Колку повеќе се врзуваме за кармата, толку повеќе скршнуваме од патот на карма јогата.
Основниот концепт на Карма Јогата е акција без вклучување на егото. За да се одвои нашето его од нашите постапки, мора да научиме да го контролираме егото и постепено да го пуштиме. Ако дозволиме нашето его да доминира со нашите дела, тоа ќе ја прикрие визијата на нашиот ум и ќе го попречи духовниот раст порано или подоцна.
Некои го мешаат терминот „неприврзаност“ со „незаинтересираност“. Неприврзувањето или дејствувањето без приврзаност значи извршување на задачата на непристрасен начин. Вообичаено, ако и давате премногу важност на акцијата и премногу се врзувате за делото, очекувате резултатот да излезе онака како што сте сакале. И ова предизвикува егоизам.
Тестот – Златна карпа (планина)
Во Махабхарата – античкиот еп од кој произлезе Бхагавад Гита, Арџуна го прашува Кришна: „Што ја прави Карна подобра личност од мене? Кришна ги повика и Арџуна и Карна и им даде по една „карпа“ злато, што требаше да го поделат на сиромашните во селото до крајот на денот.
Арџуна ја кршеше карпата парче по парче и лично му даде на секој селанец еден сад со злато. Оваа задача ја заврши за неколку недели.
Карна, пак, побара помош од неколку чесни и вредни селани. Им ја доверил задачата да го скршат и поделал златото и го напуштил местото на настанот. До крајот на денот секој селанец имал сад со злато во куќата.
Кришна потоа му рече на Арџуна: „Ти се врза за задачата, чувствувајќи дека ти мора да направиш сè за да може да ја добиеш заслугата“. Коментирајќи за Карна, Кришна рече: „Тој се фокусираше само на завршување на должноста, не се врза лично за неа и не очекуваше и не посака ништо за возврат“.
Уникатната природа на карма јога
Ако крајната вистина е една зошто тогаш постојат повеќе начини да се достигне? Ова не е невообичаено прашање. Дури и идентичните близнаци израснати во иста средина размислуваат поинаку и имаат различен пристап кон животот. Бхагавад Гита ги нуди маргите или четирите главни патеки на јогата за да можат луѓето со различни темпераменти да одберат, давајќи им пристап кон самореализација што е поблиску до нивниот мисловен процес. Кришна ги нарече четирите патишта карма јога, бхакти јога, раџа јога и џнана јога.
Карма Јогата е единствената јога која влијае на сите други патишта на јогата. Се вели дека не можеме вистински да практикуваме никаков вид јога без да ја допреме карма јогата – патот на несебичното дејствување.
Секое дело што го правиме и секоја мисла што ја имаме е форма на дејствување, и без несебичното дејство на карма јогата, не можеме соодветно да практикуваме друг облик на јога. Потребна ни е несебична посветеност да го следиме патот на Бхакти, способност да се самоанализираме без пристрасност за да одиме по патот на џнана јогата и капацитет да останеме свесни во секое време на нашите постапки за да го следиме патот на раџа јогата. На некој начин, практикувањето на карма јогата има корист во секој пат и понекогаш се смета дека е неопходна за напредокот на другите патеки на јогата.
УСЛОВИ ЗА ПРЕЗЕМАЊЕ
Текстовите и останатите материјали што ги објавува Омниа.мк се авторски. Крадењето авторски содржини е казниво со закон. Бесплатно преземање е дозволено исклучиво на 20 отсто од содржината со задолжително цитирање на медиумот и хиперлинк до оригиналната содржина на Омниа.мк.
