За некои од нас, подобрувањето на нашиот личен живот значи наоѓање нова кариера или работа. Ако го работиме она што го сакаме, тоа се одразува на начинот на кој гледаме на работите и ни дава подобра перспектива за животот. Тука мора да ги земеме во предвид многуте начини за успех што може да ги практикуваме за да станеме целосно оформена личност која може да ја најде својата работа од соништата. Мора да верувате во себе и во она што го сакате. А потоа нека стане тоа ваша реалност.
Со солиден план, може да се смени работата или да се започне нов бизнис и желбата да стане реалност. Никогаш не треба да дозволиме стравот од промена да ве спречи да постигнете нешто што навистина го сакате. Новите почетоци знаат да бидат предизвикувачки за повеќето од нас, но ако одвоите време за истражување и правилно организирање, ќе откриете дека транзицијата може да биде помалку стресна.
Како да ја најдете кариерата што ја сакате?
Без разлика дали сте на „средина“ на кариерата, студент, нови на пазарот на трудот или претприемач, тешко е да стекнете задоволство и да го постигнете својот целосен потенцијал кога сте заглавени да правите нешто што го мразите. Вашата работа ќе исполни голем дел од вашиот живот, па зошто да не правите нешто што сакате да го правите. Имајте на ум дека да го правите она што го сакате е често комплицирано, но ако сакате да го подобрите вашиот личен живот, еве неколку чекори:
Одлучете зошто сакате да ја промените својата кариера
Важно е да знаете дали се оддалечувате од нешто или се движите кон нешто. Тешко е да се идентификува вашата идеална работа кога сте преплавени од негативни прашања од вашата моментална ситуација. Ако правите промена во кариерата, чувајте ги сите ваши опции отворени за новиот почеток.
Кои се вашите цели?
Запишете како сакате да изгледа текот на еден нормален работен ден. Наведете што точно сакате. Како на пример каков е вашиот работен распоред, позициите и задачите, која е вашата идеална плата за удобно живеење и дали сте претприемач во душата. Континуирано пишувајте ги овие цели во тетратка или дневник.
Разберете ги вашите интереси
Вашите интереси не значат дека ова треба да биде вашата нова работа или бизнис, тоа е само почеток на самоистражување. Клучот е да идентификувате што навистина ве интересира и како можете да ги вклучите тие интереси во работното поле. Кои се вашите омилени хобија? Кои книги сакате да ги читате? За кои делови од весникот прво се фаќате? Кои се вашите омилени серии? Откако ќе ги проследите овие интереси барем една недела, треба да откриете тренд што треба да се намали на две или три теми кои ви се од интерес.
Кои се вашите способности?
Запишете ја листата на способности за кои ве бидува. Правејќи нешто во што сте добри, не само што ќе ги зголемите вашите шанси за успех, туку и ќе дадете чувство на задоволство од вашата работа. Ќе откриете дека имате скриени способности. Откако ќе ги развиете тие скриени способности, искористете ги, видете како ви се допаѓаат и искористете ги добро.
Многу луѓе поминуваат низ животот не успевајќи да сфатат кои се и што се способни да направат во целост. Не плашете се да научите кои сте. Ќе биде потребно извесно време.
УСЛОВИ ЗА ПРЕЗЕМАЊЕ
Текстовите и останатите материјали што ги објавува Омниа.мк се авторски. Крадењето авторски содржини е казниво со закон. Бесплатно преземање е дозволено исклучиво на 20 отсто од содржината со задолжително цитирање на медиумот и хиперлинк до оригиналната содржина на Омниа.мк.
