Како да станете успешна личност? Дали сте подготвени да се откажете од доцните ноќни излегувања за работење до доцните часови? Дали сте подготвени да не ги слушате неоснованите критики? Дали сте подготвени да ги слушнете корисните? Дали ќе можете да се откажете од сомнежот, отпорот, неизвесноста, механизмите за избегнување? Дали сте подготвени да живеете како што другите не се осмелуваат?
Успешните луѓе разбираат дека основата на животот е нашата енергија– и затоа што нашата енергија е ограничена, она на што ја трошиме ќе не дефинира во иднина.
1. Страв од неизвесност
Ништо во животот не е сигурно. Никогаш нема гаранции. Започнување на сопствен бизнис, нов проект или целосна промена на кариерата не значи дека се одвраќате од патот на сигурноста и дека влегувате во живот на ризично непознато. Всушност, значи дека признавате дека сигурноста во голема мера е илузија, а врзувањето за сигурноста може да ве кочи.
2. Игнорирање на вашите чувства
Вашиот гнев? Тоа ви кажува каде се чувствувате немоќно. Вашата вознемиреност? Ви кажува дека нешто во вашиот живот не е во рамнотежа. Вашиот страв? Ви кажува што ви е важно. Апатијата? Покажува каде сте надмоќни и изгорени. Вашите чувства не се случајни, тие се гласници. И, ако сакате да бидете успешни треба да слушнете што сакаат да ви кажат.
3. Преправање дека немате проблеми
Направете табела на вашиот долг. Напишете список на навики што знаете дека сте штетни за вашето здравје и размислете каква непријатност ви помагаат да избегнете. Размислете за луѓето на кои им должите извинување. Замислете што е потребно за да го трансформирате вашиот живот. Бидете искрени со себе.
4. Избегнување на непријатност
Сите „лоши навики“ што ве одвраќаат од вашиот потенцијал всушност само ви овозможуваат да ја избегнете непријатноста. Повеќето луѓе ги градат своите животи околу работи што прават да се чувствуваат лесно, без да сфатат дека обидот да се избегнат неизбежните чувства е брз пат до самозадоволство, а всушност остава длабока, пролонгирана вознемиреност.
5. Вашите нездрави навики
Вистинскиот успех е холистичка работа и нема да се случи кога се чувствувате лошо цело време. Нереално е да се претпостави дека никогаш повеќе нема да се напиете чаша вино, па наместо да се обидувате да елиминирате сè што е не здраво за вас, пробајте да ги идентификувате најлошите навики и да работите на нив додека од време на време си дозволувате други пороци. Не станува збор за постигнување совршенство, туку само за подобрување на сопственото здравје.
6. Менталитет на жртва
Вашето минато не го дефинира вашиот живот. Вашите тековни околности не го дефинираат вашиот живот. Единствената работа што го дефинира вашиот живот е она што вие избирате да го направите како одговор на нив. Секој се бори со нешто – некои луѓе дозволуваат да бидат дефинирани себеси со тоа, други дејствуваат и покрај тоа. Вашето минато ќе биде ваша иднина само ако го носите таму.
7. Вашите изговори
Во ред е да сакате да се објасните зошто не сте таму каде што сакате да бидете. Како да станете успешна личност ако цело време си барате оправдувања? Во животот, или правите нешто или не правите ништо. Или го губите времето во стагнација или ќе бидете искрени за тоа каде сте и ќе направите промена. Валидноста на вашите изговори служи само да ве натера привремено да се чувствувате подобро затоа што не го правите она што знаете дека го сакате и треба да го направите.
8. Научена беспомошност
Научена беспомошност е кога луѓето се соочиле со толку многу предизвици во животот што тие почнуваат да веруваат дека се немоќни во однос на нивните надворешни околности и затоа, престануваат да се обидуваат да ги променат. Повторно учење дека сте во контрола на поголем дел од животот отколку што не сте, е императив за да се придвижите напред.
9. Одбрана на вашите проблеми
Ако некој ви понуди совет како да промените проблем за кој некое време се жалите, дали го земате во предвид советот или одговарате со изговор дека не сте разбрани, дека нема да успее или дека сте беспомошни? Ако е ова случајот, запрашајте се зошто повеќе ги браните проблемите отколку вашиот потенцијал. Ова е симптом на научена беспомошност (види погоре).
10. Одвраќање
Сè што не ви помага да се движите напред или да градите живот на кој сте горди, едноставно е одвраќање. Без разлика дали тоа значи рационализирање на вашата гардероба, чистење на вашиот дом или дури намалување на социјалните обврски, елиминирањето на одвраќањето е апсолутно од суштинско значење.
11. Потребата да се допаднете
Не можете на сите да им се допаднете и тоа главно од причини што немаат никаква врска со вас. На некои луѓе ќе им бидете симпатични, други ќе ве обожаваат, трети ќе ве критикуваат, а некои и нема да ве сакаат, без оглед на тоа што избирате да правите со вашиот живот. Затоа, најголема смисла има да го правите она што го сакате, без оглед на тоа како ќе реагираат другите луѓе.
12. Се обидувате да направите сè сами
Не сте обврзани да ја преземете секоја улога, работа и одговорност во вашиот живот. Успешните луѓе не се преплавуваат со работа, тие ги ангажираат вистинските луѓе, се насочуваат и се опкружуваат со експерти кои можат да се справат со она за што самите тие не се најдобро подготвени. Вие не сте посилни затоа што одбивате да се потпрете на некој друг, туку на тој начин само ја трошите вашата енергија и го ослабувате вашиот потенцијал.
13. Отпор
Отпорот е нормален одговор на излегување од вашата зона на удбност или пробување на нешто ново. Меѓутоа, ако имате поголем отпор отколку продуктивност тогаш нешто треба да решите. Мора да се научите како да се појавите и да ја завршите работата дури и кога не сакате (види подолу) и да препознаете дека понекогаш, премногу двоумење е всушност порака дека сè уште не сте на вистинскиот пат.
14. Брзи поправки и скратени патчиња
Изградба на нешто трајно и значајно нема да се случи „преку ноќ“ и не ни треба да очекувате нешто такво. Вистинската промена се случува постепено. Наместо да се обидувате да ја искористите волјата за да промените нешто 100% , фокусирајте се на тоа како можете да го подобрите 1% секој ден и со текот на времето напорот ќе се соедини.
15. Чекање додека не почувствувате дека сте подготвени
Мотивацијата не е нешто што го чекате, тоа е нешто што го градите. Страста можеби ви кажала што сакате да правите во животот, но нема да биде она што ве предизвикува до доцните часови на работа и тешките денови кога сè што сакате е да се откажете. Како да станете успешна личност ако немате принципи и навики? Нашиот живот не го дефинира она за што чувствуваме страст – туку она што го правиме секојдневно.
16. Страв од неуспех
Стравот од неуспех, не ве прави поуспешни туку сериозно ве кочи. Ве тера да не сакате да имате шанси или да ги промените вашите околности. Неуспехот не е конечен, туку само можност за учење. Вашиот живот ви кажува што функционира за вас, а што не. Прифаќањето на ситуациите и прилагодувањето е од суштинско значење.
17. Завидување на оние кои го имаат тоа што вие го сакате
Начинот на кој зборувате за оние кои го постигнале она што вие го сакате ќе ви овозможи или спречи да го имате тоа сами. Ако почнеме да ги гледаме недостатоците на оние на кои им завидуваме затоа што длабоко сакаме да го имаме тоа што они го постигнале, на крајот ќе почнеме да го асоцираме тој успех со неубави чувства. Тоа не води кон само-самотажа. Колку повеќе ги судите другите, толку повеќе се ограничувате себеси.
18. Чекање да се променат околностите пред да направите промена
Може да биде примамливо и да не привлече идејата дека штом ќе постигнеме една работа, или ќе имаме нова врска животот ќе ни се промени и ќе се чувствуваме подобро. Реалноста е дека животот се одвива одвнатре и дека не се менуваме кога ќе се сменат нашите околности, туку нашите околности се менуваат, кога ние ќе направиме промена.
