Отсекогаш било важно да сме здрави, но особено во зимските месеци и во период на пандемија, важно е повеќе од било кога да применуваме практики за зајканување на имунитетот. Нашето здраво тело е нашето „возило“. Нè носи од точка А до точка Б и ни овозможува да уживаме во она што животот го нуди. Нашето тело ни овозможува да ги издржуваме нашите семејства, да поминуваме време со најблиските, да бидеме активни во нашите заедници, да создаваме уметност и да уживаме во она што го нуди животот. За да го направиме тоа, треба да го одржуваме нашиот имунитет здрав и силен.
Зелен чај
Еден од начините на кои можеме да го подобриме нашиот имунитет е со консумирање зелен чај. Тоа е растение кое изобилува со прекрасни антиоксиданси, за кои се верува дека имаат ефекти да го зајакнат имунитетот. Како дополнителен бонус, зелениот чај може да делува смирувачки, што е корисно кога стресот го намалува имунолошкиот систем. Заменете го кафето со топла шолја зелен чај!
Цитрусни овошја
Друг начин да го зајакнеме имунитетот е да јадеме цитрусни овошја (агруми), како што се грејпфрут, портокал, лимон. Многумина од нас се свртуваат кон витаминот Ц во моментот кога ќе почувствуваме дека настинуваат. Тоа е затоа што витаминот Ц го зајакнува имунитетот и ни дава шанса да се избориме со настинката.
Други две овошја што треба да ги додадеме во нашата исхрана се папајата и кивито. Папаја е моќно овошје кое повеќето од нас веројатно не го јадат редовно. Тоа, има антиинфламаторни својства делумно поради ензимот познат како папаин. Кивито обезбедува различни хранливи материи како што се калиум, витамин К и витамин Ц. Како дополнителен бонус, многу се препорачува за помош при респираторни проблеми.
Здрави зеленчуци
Одредени зеленчуци исто така можат да помогнат во зајакнување на имунитетот. Некои од нив, како што се црвените пиперки, спанаќот и брокулата, се добри извори на витамин Ц. Некои од нив се полни со антиоксиданси како што е брокулата, со специфични ензими кои се борат против слободните радикали кои водат до болести. Кога слободните радикали се појавуваат во телото, тие активно бараат електрони со кои треба да се спарат. За жал, оваа акција може да ги оштети клетките, протеините и ДНК.
Зачини
Добриот избор во нашата полица со зачини може да ни помогне исто така. Зачините како ѓумбир и куркума имаат и антиоксидантни и антиинфламаторни својства кои го зајакнуваат нашиот имунитет. Едноставен, временски ефикасен рецепт е да додадете прстофат мелен, органски ѓумбир во топол чај со лимон со органски мед. Верувајте дека ѓумбирот е моќен зачин, потребно е само малку за да се почувствуваат ефектите. Можете да пробаме и чај од куркума. Комбинирајте мелена куркума, бибер и млеко, додадете вкус како цимет, ванила или мед, измешајте и оставете да проврие за најдобри резултати.
Како што старееме, нашиот имунолошки систем слабее. Наша работа е да преземеме одговорност за зајакнување на имунитетот, да се трудиме да водиме здрав живот и да им помагаме на оние околу нас. Не можеме да истуриме од празна чаша, а можеме да започнеме со подобро грижа за себе! Заедно со овие здрави, корисни совети, обидете се да ги елиминирате и негативните навики кои може да го попречат силниот имунолошки систем. Практики како што се прекумерно пушење, пиење, пијалоци со кофеин и многу обработена храна.
УСЛОВИ ЗА ПРЕЗЕМАЊЕ
Текстовите и останатите материјали што ги објавува Омниа.мк се авторски. Крадењето авторски содржини е казниво со закон. Бесплатно преземање е дозволено исклучиво на 20 отсто од содржината со задолжително цитирање на медиумот и хиперлинк до оригиналната содржина на Омниа.мк.
