Дарана е шестиот дел од осум-делната јога, како што е опишано во Јога Сутрите на Патанџали. Се однесува на концентрација на умот. Практикување на дарана се однесува на фиксирање на умот на одреден предмет, надворешно (како што е слика или божество) или внатрешно (како што е чакра).
Последните три дела од осумделната јога – dharana, dhyana (медитација) и samadhi (просветлување) – колективно се нарекуваат samyama што значи „контрола“. Патанџали сметал дека последните три дела треба да се земат во предвид заедно, бидејќи тие се прогресивни фази на концентрација.
Концентрацијата била тема на интерес и на античките мудреци. Арџуна во Багавад Гита спомнал дека контролирањето на умот e невозможна работа на земјата. Оттука, тој бил советуван од Кришна дека иако контролата на умот е тешка, сепак може да се постигне со редовна пракса на vairagya и abhyasa.
Во Сутрата 3.1 Патанџали ја дефинира дарана како „врзување на умот на единствена точка на фокусирање“. Јогините многу често го користат дишењето како фокус за концентрација, но покрај дишењето како фокус може да се употреби мантра, слика, сензација во телото, или во суштина сè на што практикантот може да го насочи вниманието.
Во книгата „Light on Yoga“ Б.К.С Ијенгар ги опишува суштинските практики на dharana, dhyana и samadhi како „потрага по душата“.
Како се практикува дарана?
За да вежба дарана, практикантот треба да одбере мирно место во удобна седечка положба. Очите можат да бидат затворени и практикантот да го насочува вниманието внатрешно (чакрите или на мантра) или да бидат отворени и фокусирани на надворешен предмет.
Кога интензивно го насочуваме умот на едно нешто, остатокот од умот има тенденција да се смири. Кога на овој начин практикуваме концентрација, оставаме помалку простор за мисли, спомени и планирања со кои умот вообичаено е зафатен.
Практикувањето дарана помага да го фокусираме и смириме умот кон патот за медитација. Ни помага да го запознаеме умот, особено кога доживуваме силни емоции. Идеално, би требало да останеме во состојба на дарана во текот на целиот ден, фокусирајќи се само на задачата што е пред нас.
Редовната пракса на дарана ја подобрува и јога праксата бидејќи го подобрува способноста на практикантот да остане фокусиран на она што го прави. Го тренира умот да остане смирен и ја зголемува менталната сила.
Практикувањето дарана го води практикантот кон дијана, што е следниот дел од осум-делната јога. Дарана е практика на концентрирање на одреден предмет, а дијана е состојба во која се постигнува целосна концентрација. Ова на крај доведува до осмиот дел односно самади, што претставува најдлабока фаза на концентрација.
УСЛОВИ ЗА ПРЕЗЕМАЊЕ
Текстовите и останатите материјали што ги објавува Омниа.мк се авторски. Крадењето авторски содржини е казниво со закон. Бесплатно преземање е дозволено исклучиво на 20 отсто од содржината со задолжително цитирање на медиумот и хиперлинк до оригиналната содржина на Омниа.мк.
