Јогата на многу различни и оригинални начини не потсетува дека го живееме животот како обична илузија. Оваа илузорна природа произлегува од нашите сопствени умови кои погрешно го толкуваат светот. Ние го обојуваме со сопствените сфаќање на нештата, преку неурамнотежени емоции и нарушен ум.
Нашиот фрагментиран ум, дава свои толкувања за животот, го искривува нашето искуство, буди мисли и емоции што само ги прават работите потешки отколку што навистина се. Јогата го нарекува таквиот ум, нечист ум.
Премисата на Антармона е прочистување на таквиот ум. Давањето насока и фокус на умот е првиот чекор кон оваа цел. Но, скоро е невозможно да се контролира умот, кој е брз како молња. Практиката на Антармона нежно го пренасочува умот да се фокусира на неутрален објект по избор. Ова се првите чекори кон прочистување. Умот што се екстернализира цело време, се учи да се сврти и да се набудува себеси, наместо да се фокусира исклучиво на светот околу него.
Станувајќи сè посвесен за сопствените внатрешни ставови, наместо да се фокусирате на ограничувањата на другите, може да ја забрзате еволуцијата. Бидејќи можеме јасно да ги видиме нашите сопствени ирационални однесувања и особености, исто така ги гледаме и оние на другите со јасност. И така со текот на времето, стануваме поспремни да се справиме со двете.
Антармна може да започнете да ја практикувате неколку минути дневно,па постепено да зголемувате до максимум еден час секој ден. Ова треба да се направи во текот на шест до дванаесет месеци, во зависност од посветеноста на практикантот. Сепак, со само неколку минути дневно, ефектите од практиката сè уште ќе се почувствуваат во остатокот од денот.
Нечистиот ум
Луѓето имаат „богат“ емоционален и ментален живот и повеќето ги потиснуваат овие активности до одреден степен. Ова потиснување само го влошува умот, го распарчува. Потиснатите мисли и емоции остануваат живи, а игнорирањето не може за жал да ги отстрани. Како семиња, тие лежат закопани во потсвесните аспекти на нашата личност, оттаму влијаат врз нас, поттикнувајќи ги нашите постапки и реакции.
Умот добива одреден квалитет, негативен или позитивен, според нивоата на потиснување. Ова е причината зошто некои луѓе можат да бидат позитивни и со благо срце иако се злоупотребуваат, додека други може да прибегнат кон напади на лутина, фрустрација, па дури и агресија.
Антармона е одлична „техника“ за справување со внатрешни спорови, за враќање на смиреноста и спокојството, обележја на чистиот, неизвалкан ум.
Способноста на умот да набудува непристрасно е клучно за изградба на здрава чиста личност. Без разлика дали ги сметаме нашите мисли за позитивни или негативни, треба да можеме да ги набудуваме без да дејствуваме врз нив.
За време на техниката, мора да се внимава да не се концентрира умот, туку смирено да набљудува како гледач, станувајќи тивок сведок на сите негови необичности и апсурди.
Со текот на времето, умот учи да се гледа себеси без осуда. Постепено станува доволно опуштен за да открие подлабоки комплекси и фобии. Штом тоа се случи, следниот чекор е да научите да се однесувате непристрасно со сè што ќе се открие. Оваа непристрасност помага да се отстрани контролата над умот.
Набљудување на умот
За време на вежбањето, човекот го учи умот да се прифати себеси во сите расположенија. Без разлика дали станува збор за личност која не ви се допаѓа или застрашувачки звук на авион кој лета директно над главата, смирено набудувајте ги реакциите на умовите. Преку специфични техники, постепено градење свесност за надворешната средина, а исто така останувајќи свесен за внатрешните чувства и мисли, умот полека се „средува“. Ова се првите фази на пратијахара.
Пратјахара
Дур сме будни, поголем дел од времето го поминуваме во екстернализирање. Набљудуваме и реагираме свесно и несвесно на светот околу нас. Не сме научени да набудуваме како функционира овој постојано променлив свет. Преку пратијахара учиме да го повлекуваме умот, давајќи му насока и тука започнува патувањето кон самосвесноста.
Пранајама
Кога пранајама се практикува пред Антармона, умот е во состојба да ослободи од своите суптилни впечатоци и латентните тенденции кои излегуваат на површината. Ова мора да се направи под стручно водство, бидејќи не можете сами да одредите дали е подготвен да се справи со овие откритија. Како што рековме порано, сите фази мора постепено да се развиваат, бидејќи незрелиот ум можеби ќе треба да се соочи со скриените неуспеси со кои можеби нема сила да се справи.
Како умот станува посилен
Како што продолжуваме со Антармона, умот станува сè почувствителен, што овозможува поголем увид во работата на умот. Долго закопаните стравови и несигурности почнуваат да се појавуваат и тогаш може да се гледаат, наместо да бега од нив.
За време на праксата можно е да се појават тешки мисли и ситуации. Често во претходните фази кога умот за првпат се смирува, мислите исчезнуваат на некое време, и човек е во искушение да мисли дека умот е брзо исчистен. Но, освен ако не можете без сомнение да кажете дека сега сте реализирано суштество, ова е лажно чувство на благосостојба. Слично како и смиреноста пред бурата.
Ова лажно чувство не само што го кочи духовниот развој, туку и секојдневната благосостојба, бидејќи тие во суштина се едно и исто. Ова е причината зошто е важно да се справиме со умот, кој оставен на себе потенцијално може да стане сè повеќе вознемирен.
Додека умот добива повеќе сила и доверба во сопствените способности, „дозволува“ да се појават повеќе работи и како што се забележуваат, тие полека ја губат сила и со текот на времето, целосно исчезнуваат. Овој процес на прочистување му овозможува на умот да се движи во позитивни насоки и медитацијата станува лесна.
УСЛОВИ ЗА ПРЕЗЕМАЊЕ
Текстовите и останатите материјали што ги објавува Омниа.мк се авторски. Крадењето авторски содржини е казниво со закон. Бесплатно преземање е дозволено исклучиво на 20 отсто од содржината со задолжително цитирање на медиумот и хиперлинк до оригиналната содржина на Омниа.мк.
