Аериал јога, уште позната и како антигравитациска јога, е спој помеѓу традиционалната јога, акробација и танц. Почетоците се во Америка, Њујорк, а сега оваа дисциплина е позната низ целиот свет. Била создадена од Кристофер Харисон, танчер и акробат.
Што е аериал јога?
На час по аериал јога, се изведуваат истите положби како на традиционален час по јога, со таа разлика што положбите не се изведуваат на простирка на под, туку на платна кои висат прикачени од таванот. Целта на платното е да ви помогне да ја подобрите флексибилноста и да изградите сила, истовремено овозможувајќи ви да направите повеќе предизвикувачки положби без дополнителен притисок врз рамената, ‘рбетот или главата.
Најголемата разлика помеѓу аериал јога и традиционалната јога се платната. Тие се користат за време на целиот час, вклучувајќи ги и инверзиите, поздрав на сонце, седечка медитација и шавасан (релаксација) во платно.
Придобивките од аериал јога
Една од придобивките што може да го привлече практикантот кон аериал јога е можноста да влезе во физички понапредни асани како што е стој на раце (со помош на платното). Инверзиите може да бидат тешки за совладување за многу практиканти, но се многу попрактични за изведба со помош на платно, бидејќи не се прави притисок на главата, вратот или ‘рбетот.
За оние кои страдаат од хронична болка во грбот или тензија во рамениците или вратот, оваа дисциплина може да ја подобри мобилноста на зглобовите со отворање на засегнатите области. Инверзиите со помош на платна, исто така може да го зголемат протокот на крв кон грбот.
Оваа дисциплина може да практикуваат и почетници. Сè што се прави на часот со платната може да се модифицира за сите нивоа.
Секој аериал час може да заврши со шавасана, како и на традиционалните јога часови, само што на тука положбата за релаксација се изведува во платното. Лебдејќи над земјата, во завршна шавасана, создава целосно релаксирачко чувство.
УСЛОВИ ЗА ПРЕЗЕМАЊЕ
Текстовите и останатите материјали што ги објавува Омниа.мк се авторски. Крадењето авторски содржини е казниво со закон. Бесплатно преземање е дозволено исклучиво на 20 отсто од содржината со задолжително цитирање на медиумот и хиперлинк до оригиналната содржина на Омниа.мк.
